Տուրի սկսելու և ավարտի օրերը

- Մեկնում Երևանից դեպի Հայ-վրացական սահման (Բավրա), ապա Ջավախք : Այնուհետև Ախալքալաքից անցնելով Վրաց-Թուրքական սահմանը` Ակթաշ անցակետ (232 կմ), մուտք կգործենք Արդահանի շրջան : Կշարունակենք մեր ճանապարհորդությունը դեպի Փառահեղ ԱՆի ճանապարհին կանգ առնելով Ծովակն լճի ափին: Անիի միջնադարյան պարիսպներով անցնելուց հետո կտեսնենք Մայր Տաճար, Սբ. Ամենափրկիչ, Գագիկաշեն, Տիգրան Հոնենց, Սբ. Գրիգոր և մի շարք այլ եկեղեցիների ու շինությունների ավերակները: Անիից կայցելենք Կարս՝ Կարուց բերդ, Սբ. Առաքելոց եկեղեցի, Վարդանի կամուրջ: կանցնենք Իգդիր քաղաքով, Արարատի լանջով, Բայազետ քաղաքով, Թոնդրակի լեռով և կհասնենք Վասպուրական նահանգի Առբերան գավառ՝ Բերկրիի ջրվեժ : Գիշերակաց Վանում

Վանում կայցելենք Վանի Տուշպա բերդ, Մհերի դուռ,Վանա կատուների տուն: Վանից կնավարկենք Աղթամար կղզի, որտեղ գտնվում է ճարտարապետական գլուխգործոց հանդիսացող Սբ. Խաչ եկեղեցին: Գիշերակաց Մուշում:

- Վանից կուղևորվենք Մուշ, կայցելենք Մուշի հին հայկական թաղամաս՝ Սբ. Մարինե եկեղեցի, և այնտեղից կտեսնենք հայակական գերեզմանոցը, որտեղ թաղված է եղել Գևորգ Չաուշը: Մուշից կուղևորվենք Արածանի (Արևելյան Եփրատ) գետ, ուր կտեսնենք Սուլուխի կամուրջը: Այնուհետև կշարունակենք մեր ուխտագնացությունը Դիարբեքիր, որտեղ կտեսնենք հայկական գործող Սուրբ Կիրակոս եկեղեցին։ Գիշերակաց Սիվերեքում:

- Առավոտյան կբարձրանանք Նեմրութ՝ հեթանոսական աստվածների արձանները տեսնելու, այնուհետև կշարունակենք մեր ուղևորությունը Բինգյոլ և կուղևորվենք Էրզրում (Կարին), որտեղ կտեսնենք, Սանասարյան վարժարանը, Սբ. Աստվածածին եկեղեցին: Գիշերակաց Էրզրումում:

- Էրզրումից կուղևորվենք Խախուվանք (Սբ. Աստվածածին եկեղեցի), Օշքվանք, այնուհետև գեղատեսիլ Թորթումի լիճ և ջրվեժ(48-50մ): Վերադարձ Երևան: