Տուրի սկսելու և ավարտի օրերը

- Մեկնում Երևանից դեպի Հայ-վրացական սահման (Բավրա), ապա Ջավախք: Այնուհետև Ախալքալաքից անցնելով վրաց-թուրքական սահմանը` Ակթաշ անցակետ (232 կմ), մուտք կգործենք Արդահանի շրջան : Կշարունակենք մեր ճանապարհորդությունը դեպի Փառահեղ ԱՆի՝ ճանապարհին կանգ առնելով Ծովակն լճի ափին: Անիի միջնադարյան պարիսպներով անցնելուց հետո կտեսնենք Մայր Տաճար, Սբ. Ամենափրկիչ, Գագիկաշեն, Տիգրան Հոնենց, Սբ. Գրիգոր և մի շարք այլ եկեղեցիների ու շինությունների ավերակները: Անիից կայցելենք Կարս՝ Կարուց բերդ, Սբ. Առաքելոց եկեղեցի, Վարդանի կամուրջ: Կանցնենք Իգդիր քաղաքով, Արարատի լանջով, Բայազետ քաղաքով, Թոնդրակ լեռով և կհասնենք Վասպուրական (Վան) նահանգի Առբերան գավառ՝ Բերկրիի ջրվեժ: Գիշերակաց Վանում

- Վանում կայցելենք Վանի Տուշպա բերդ, Մհերի դուռ/Խալդյան Դարպաս, Վանա կատուների բուծարան: Վանից կնավարկենք Աղթամար կղզի, որտեղ գտնվում է ճարտարապետական գլուխգործոց հանդիսացող Սբ. Խաչ եկեղեցին: Գիշերակաց Վանում կամ Մուշում:

- Մուշում կայցելենք ավերված հին հայկական թաղամաս՝ Սբ. Մարինե եկեղեցի, այնտեղից կտեսնենք հայկական գերեզմանոցը, որտեղ թաղված է եղել նշանավոր հայդուկապետ Գևորգ Չաուշը: Մուշից կուղևորվենք Արածանի (Արևելյան Եփրատ) գետ, ուր կտեսնենք Սուլուխի կամուրջը, որի հարևանությամբ իր վերջին կռիվն է տվել Չաուշը: Այնուհետև կշարունակենք մեր ուղևորությունը Բինգյոլ (կախված գրաֆիկից կայցելենք նաև Մշո Սբ․ Կարապետ վանքի ավերակները) և կուղևորվենք Էրզրում (Կարին), որտեղ կտեսնենք Թեոդոպոլիսի բերդը, Սանասարյան վարժարանի շենքն ու մզկիթի վերածված Սբ. Աստվածածին եկեղեցին: Գիշերակաց Էրզրումում:

- Էրզրումից կուղևորվենք դեպի պատմական Տայք աշխարհ՝ տեսնելու Խախուվանքն (Սբ. Աստվածածին եկեղեցի-վերածված մզկիթի) ու Օշքվանքը(լքված)։ Մեր հագեցած ուղևորության վերջին կանգառը կլինի հայկական լեռնաշխարհի ամենագեղատեսիլ վայրերից մեկը՝ Թորթոմի լիճն և ջրվեժը(48մ), որից հետո ուղղություն կբռնենք դեպի Արդահան ու վրաց-թուրքական սահման։ Վերադարձ Երևան: